اخبار محلية نداء عاجل يتوجه به الد. وجيه ذكار بخصوص حالة اجتماعية أكيدة بمستشفى المهدية..
اليكم الان نداء عاجل يتوجه به الد. وجيه ذكار بخصوص حالة اجتماعية أكيدة بمستشفى المهدية.. والان إلى التفاصيل من المصدر أنباء تونس:
ليس من عادات الدكتور وجيه ذكار رئيس المنظمة التونسية للأطباء الشبان ارسال اي نداء بخصوص المرضى- و قد ذكر ذلك في التدوينة التالية التي نشرها على صفحات التواصل الإجتماعي- و لكن هذه المرة فرضت نفسها بنفسها و فعلها لأن الحالة تستوجب على أي انسان له أقل شيء من الانسانية القيام بها:
“من المفروض حتى وانت بطّال، انشالله حتى وانت ماعندكش أوراق من أساسه، يكون عندك تغطية اجتماعية.
ومن المفروض زادة، انه كي تجي للسبيطار، الدولة تقوم بيك واتداويك وماتخليك ناقص شيء.
باهي هذا المفروض، توة خلي نحكيلكم عالواقع !
في سبيطار مهدية، فما مواطن اسمه وجدي بوزيان، في الحقيقة هو مش مواطن برشا، خاترو مازال طفل صغير وعمرو 16 عام، عمل حادث مرور وتوة راقد في انعاش قسم الاستعجالي متاع السبيطار طاهر صفر المهدية، من جراء اصابة في الرأس والعمود الفقري.الطفل وجدي يستحق عملية استعجالية للعمود الفقري، والأطباء موجودين وعلى ذمته يستناوا فيه في قسم جراحة الأعصاب، اما المشكلة شنوة؟
المشكلة انه فما معدات للعملية متاعه تتكلف قرابة 8 آلاف دينار، وأحنا ماعندنا مانقولوا للوالد اللي هو عامل يومي (عامل بناء، تعرض لحادث شغل منذ 7 أشهر وهو مايخدمش).وفي نفس الوقت احنا طالبين منه يوفر 8 ملاين الليلة كان يحب ولدو غدوة يعمل العملية، بش ممكن حظوظه في النجاة تتحسن.
الحاصل، انا مش من عادتي ندعو المواطنين اللي تعرفني، وعندها ثقة حتى شوية، انها تعاون ولا تتبرع.ونفضل ديما انه نعارك على حقنا كشعب تونسي في الصحة الشعبية اللي تضمن حق كل المواطنين دون استثناء في العلاج، خير من اللي نقعدوا نعاركوا كل مرة على حالة وحدها.
اما المرة هاذي، الشباب في السبيطار المرة، ياسر وجعهم بوه وبداوا يلموا في الفلوس اما الله غالب ظروفنا احنا بيدنا على قدها، وانا شخصيا عمري ماشديت 8 ملاين في يدي ضربة وحدي.
لذا اي انسان ينجم يعاون، يتصل بيا وانا تو نحكي معاه في الخاص لاكثر تفاصيل ونعطيه الملف الطبي وكل معطيات والد طفل وجدي بش يعاون باللي يقدر.وفي الأخير، تو نهبطلكم التفاصيل الكل متاع تبرعاتكم بالتفصيل لأكثر شفافية، ويكثر خيركم بالمسبق”.
ظهرت المقالة نداء عاجل يتوجه به الد. وجيه ذكار بخصوص حالة اجتماعية أكيدة بمستشفى المهدية.. أولاً على أنباء تونس.
المزيد من التفاصيل من المصدر - (اضغط هنا)
كانت هذه تفاصيل نداء عاجل يتوجه به الد. وجيه ذكار بخصوص حالة اجتماعية أكيدة بمستشفى المهدية.. نرجوا بأن نكون قد وفقنا بإعطائك التفاصيل والمعلومات الكامله .
و ننوه بأن الموضوع الأصلي قد تم نشرة ومتواجد على أنباء تونس و قام فريق العمل فيبرسبي نيوز بالتاكد منه او ربما تم التعديل علية او قد يكون تم نقله بالكامل اوالاقتباس ويمكنك قراءة الموضوع من مصدره الاساسي.