اخبار محلية بعد النداء الذي أطلقه الد.ذكار، وزير الصحة يتدخل و الطفل وجدي يخضع للعملية

اليكم الان بعد النداء الذي أطلقه الد.ذكار، وزير الصحة يتدخل و الطفل وجدي يخضع للعملية والان إلى التفاصيل من المصدر أنباء تونس:

“…ويعطي تعليماته بش ال Matériel يتشرى، وغدوة الصباح الطفل وجدي يعمل العملية…”.

“عسلامة مرة أخرى شباب،نحب نعبر مرة أخرى على (صدمتي/فرحتي) من العدد المهول متاع العباد اللي اتصلت بيا في الساعتين اللي تعداوا هاذم، واللي أبداوا رغبتهم في التبرع من تونس وخارج تونس، وأصلا مانجمتش نجاوبهم الكل.

لكن، وفي نفس الوقت اللي قاعدة العباد تتتصل وتاخو في الRIB متاع العائلة ونومرو تاليفونهم للتنسيق،يتصل بينا حالاً وزير الصحة ويعطي تعليماته بش ال Matériel يتشرى، وغدوة الصباح الطفل وجدي يعمل العملية.

مانعرش كان الحاجة هاذي تفرح (انه العملية بش تصير، والطفل انشالله ينجم ينڨزها، وصار تفاعل سريع من الوزارة).ولا تغشش خاتر كل يوم فما 20 وجدي آخر يستنا في تدخل عاجل لحل وضعيته، ومايلقاش بالزهر شخص “معروف حتى شوية” ينجم يوصل صوته،وللأسف تكون نهاية قصته مش سعيدة كيما صار مع وجدي بوزيان.

الحق مانجم نقول كان انه في بلادنا الحق في الصحة موجودة لكنه غير موجود ديما، أنت وزهرك بكل بساطة.

خلاصة الأمر، السبب اللي صارت من أجله حملة التبرع نورمالمون صار فيه تدخل وتفضت سي بون.

اما زادة (بخلاف ماتريال العملية)، فانه الدويات والعلاج الطبيعي ورحلة العلاج كلها تتكلف برشا فلوس والعائلة وضعيتها المادية مزمرة، لذا بش نخلي نومرو بو الطفل، وال Rib متاع امه اللي هو تابع البريد التونسي،واللي العائلة ماحبت تعطيهولي كان بالسيف خاتر نفسهم عزيزة، وقلك مدام ولدنا بش يعمل العملية الباقي الكل لاباس وتو يتدبر بقدرة ربي، اما انا اصريت انه نخليه موجود عند العباد لأي فاعل خير يحب يعاونهم.

ويعطيكم الف صحة مرة اخرى،أثلجت صدري رسائلكم وثقتكم في انه انجموا نوصلوا الأمانة لمستحقيها، وانشالله معاش تتعاود وتكثر هالنداءات برشا مرات”، وفق تفاعل الد. وجيه ذكار الذي سبق أن أنزل في نفس اليوم النداء التالي عبر صفحات التواصل الإجتماعي:“من المفروض حتى وانت بطّال، انشالله حتى وانت ماعندكش أوراق من أساسه، يكون عندك تغطية اجتماعية.

ومن المفروض زادة، انه كي تجي للسبيطار، الدولة تقوم بيك واتداويك وماتخليك ناقص شيء.

باهي هذا المفروض، توة خلي نحكيلكم عالواقع !

في سبيطار مهدية، فما مواطن اسمه وجدي بوزيان، في الحقيقة هو مش مواطن برشا، خاترو مازال طفل صغير وعمرو 16 عام، عمل حادث مرور وتوة راقد في انعاش قسم الاستعجالي متاع السبيطار طاهر صفر المهدية، من جراء اصابة في الرأس والعمود الفقري.الطفل وجدي يستحق عملية استعجالية للعمود الفقري، والأطباء موجودين وعلى ذمته يستناوا فيه في قسم جراحة الأعصاب، اما المشكلة شنوة؟

المشكلة انه فما معدات للعملية متاعه تتكلف قرابة 8 آلاف دينار، وأحنا ماعندنا مانقولوا للوالد اللي هو عامل يومي (عامل بناء، تعرض لحادث شغل منذ 7 أشهر وهو مايخدمش).وفي نفس الوقت احنا طالبين منه يوفر 8 ملاين الليلة كان يحب ولدو غدوة يعمل العملية، بش ممكن حظوظه في النجاة تتحسن.

الحاصل، انا مش من عادتي ندعو المواطنين اللي تعرفني، وعندها ثقة حتى شوية، انها تعاون ولا تتبرع.ونفضل ديما انه نعارك على حقنا كشعب تونسي في الصحة الشعبية اللي تضمن حق كل المواطنين دون استثناء في العلاج، خير من اللي نقعدوا نعاركوا كل مرة على حالة وحدها.

اما المرة هاذي، الشباب في السبيطار المرة، ياسر وجعهم بوه وبداوا يلموا في الفلوس اما الله غالب ظروفنا احنا بيدنا على قدها، وانا شخصيا عمري ماشديت 8 ملاين في يدي ضربة وحدي.

لذا اي انسان ينجم يعاون، يتصل بيا وانا تو نحكي معاه في الخاص لاكثر تفاصيل ونعطيه الملف الطبي وكل معطيات والد طفل وجدي بش يعاون باللي يقدر.وفي الأخير، تو نهبطلكم التفاصيل الكل متاع تبرعاتكم بالتفصيل لأكثر شفافية، ويكثر خيركم بالمسبق”.

ظهرت المقالة بعد النداء الذي أطلقه الد.ذكار، وزير الصحة يتدخل و الطفل وجدي يخضع للعملية أولاً على أنباء تونس.

المزيد من التفاصيل من المصدر - (اضغط هنا)

كانت هذه تفاصيل بعد النداء الذي أطلقه الد.ذكار، وزير الصحة يتدخل و الطفل وجدي يخضع للعملية نرجوا بأن نكون قد وفقنا بإعطائك التفاصيل والمعلومات الكامله .

و ننوه بأن الموضوع الأصلي قد تم نشرة ومتواجد على أنباء تونس و قام فريق العمل فيبرسبي نيوز بالتاكد منه او ربما تم التعديل علية او قد يكون تم نقله بالكامل اوالاقتباس ويمكنك قراءة الموضوع من مصدره الاساسي.