اخبار محلية المهندس حشاد: “هجوم سيبراني بفرنسا يتحول إلى أزمة غذائية”
اليكم الان المهندس حشاد: “هجوم سيبراني بفرنسا يتحول إلى أزمة غذائية” والان إلى التفاصيل من المصدر أنباء تونس:
على علاقة بأزمة احتجاجات التلاميذ بفرنسا بخصوص الوضعية المتدهورة في المعاهد و تصاعد الغضب إلى حد الهجومات السيبرانية، كتب المهندس البيئي حمدي حشاد ما يلي على صفحات التواصل الإجتماعي حول استهداف آلات التبريد في المغازات ليتم إتلاف جزءا كبيرا من المواد الغذائية:
“اللي صار في فرنسا شدني خاطر عادة كي نتصوروا هجوم سيبراني نمشيو مباشرة للمواقع للبنوك للمعطيات الشخصية اما المرة هذي استهدفوا ثلاجات المغازات.دخلوا لأنظمة التبريد و بدلوا تشغيلها حتى وصلت الحرارة في بعض التجهيزات إلى 50 درجة و فسدت كميات كبيرة من الأغذية و المواد في ساعات.قرابة 700 مغازة تأثرت حسب الأرقام اللي أعلنت عليها السلطات الفرنسية و بالنسبة للخسائر رئيس شبكة Coopérative U حكى على عشرات آلاف اليورو في المغازة الصغيرة و تنجم توصل إلى 200 ألف يورو في المغازات الكبيرة الرقم الإجمالي مازال موش محسوم.اللي خلاني نوقف عند الحكاية هو اختيار الهدف ثلاجة في مغازة حاجة ممكن ما تجيش في بالنا أصلا كي نحكيو على السيبر أتاك أما تعطيلها يكفي باش يفسد مخزون كامل الغذاء هذا راهو وراءه إنتاج و ماء و طاقة و نقل و خدمة ناس الكل يمشي خسارة في ليلة.نتصوروا توة نفس العملية تصير على نطاق أكبر و تدوم أكثر و تضرب مخازن و توزيع في نفس الوقت وقتها الخوف وحده ينجم يزيد يعقد الوضع الناس تجري تشري و تخزن الضغط على المغازات يزيد و التزويد بالطبيعة يولي أصعب هكا ينجم هجوم سيبراني يخلق رد فعل كبير في السوق و يتحول إلى عامل أزمة غذائية.في فرنسا بالطبيعة ما وصلوش للوضع هذا و السلطات قالت إن التزويد الغذائي موش مهدد حاليا أما الحادثة خلاتني نفكر في قداش من حلقة في المنظومة الغذائية نعتمدوا عليها كل يوم و ممكن ما نعطيوهاش حقها في الحماية خاطر ببساطة ما نتصوروهاش هدف”.
ح.ح
ظهرت المقالة المهندس حشاد: “هجوم سيبراني بفرنسا يتحول إلى أزمة غذائية” أولاً على أنباء تونس.
المزيد من التفاصيل من المصدر - (اضغط هنا)
كانت هذه تفاصيل المهندس حشاد: “هجوم سيبراني بفرنسا يتحول إلى أزمة غذائية” نرجوا بأن نكون قد وفقنا بإعطائك التفاصيل والمعلومات الكامله .
و ننوه بأن الموضوع الأصلي قد تم نشرة ومتواجد على أنباء تونس و قام فريق العمل فيبرسبي نيوز بالتاكد منه او ربما تم التعديل علية او قد يكون تم نقله بالكامل اوالاقتباس ويمكنك قراءة الموضوع من مصدره الاساسي.